فعلا توفر المعلومات يساعد كثيرا على الحصول على نتائج جيدة مع الأخذ بعين الاعتبار أهمية أن تكون الشفافية مصحوبة بسوق عميق
أي طريقة بتستخدمها وبتعمل منها أرباح فهي صحيحة ... لكن هناك طرق بتعمل أرباح أكتر من غيرها ونتائجها أطول عمرا
التنويع بين القطاعات والأسواق وأدوات الاستثمار مهم جدا وبعمل هامش من الأمان على ألا يخرج عن المعقول
CA$H IS KING
يتمتع بصفات معظم المستثمرين الناجحين في سوق الأسهم : عندو خبرة كبيرة في السوق ، لما بلش يتعامل مع السوق المالي محسوبك كان لايزال طفل يلهو مع رفاقه في الصف في المرحلة الابتدائية ، ومع هيك فهو عندو استعداد للتعلم أكتر من واحد عمرو 20 سنة ، ولا يضيره أن واحد بجيل أولاده يفسرلو بعض الامور
يمتلك ال common sense وكما يقول الخواجات : common sense is not common ، عندو قدرة عالية على قراءة الأحداث الكبيرة وكيف بتاثر على سعر السهم ، يعني كلنا حملنا فوسفات على سعر 7 ليرات تقريبا ، وبعناه عال 18 و 20 ، ورجعنالو عال 30 ، هو مسك السهم من 6 الى 60 تقريبا ، هاي القدرة تكتسب بعامل زمني يعني It is a time-related issue ، في العادة القديم في السوق ان كان بتعلم فلن تستطيع أن تتفوق عليه لانو يمتلك ال common sense أو ان شئت حاسة سادسة تجاه حركة السوق
يعني اسعار التكلفة عليه في أسهم متل يويك وألدك كانت خرافية ( لتحت طبعا ) ، يعني يمتلك Intangible Skills غير محسوسة لكنها تحسم النتائج لصالحو
ما بنطنط ، مابتحسر أو لا يقرأ الأحداث بأثر رجعي كأن تقول بعد ما يطلع سهم INMA مثلا 120% ، لو اني شريتو بسعر " س " وبعتو بسعر "ص" كان صار معي المبلغ "ع" ، وفجأة بتشوف انو عمل ثروة شي سهل !!!
التعديل الأخير تم بواسطة MCH71311 ; 04-07-2010 الساعة 11:32 PM
CA$H IS KING
سلامات يا FxBroker
تبر خسر في 2008 فعلا ( هي سنة كانت سيئة للاسواق ) وربح في 2009 وعمل تقريبا 130% عائد على الاصول ... هو ناجح بالارقام لكن لا يمكن مقارنته ب سوروس مثلا أو بافيت ... هدولاك صرلهم عقود في الاسواق ـ الزمن كفيل انو يبين هل بولسون وتبر كانو مجرد طفرات أو يستحقو المتابعة اللصيقة
بالنسبة للي انتقد بافيت ، فبافيت لطالما تعرض لانتقادات من ايام شراء كوكاكولا وجيليت ، بحيث شراهم على اسعار تبدو غالية بالنسبة للتحليل الاساسي ( الكلاسيكي ) كأن تقول السعر/القيمة الدفترية و مكرر الارباح والعائد على حقوق الملكية ...يعني موضوع انو العالم بتحير بشو بفكر بافيت موشي جديد وان سمح الوقت رح أبين كيف كان الناس مستغربين من شراء كوكاكولا عن 5 مرات القيمة الدفترية وانقلب الاستثمار اللي ب 1$ بليون الى 11$ بليون حاليا ، وأجدني هنا مضطرا للاستشهاد ببيت شعر ( أظنه للمتنبي ) يقول فيه :
أنام ملء جفوني عن شواردها ... ويسهر الخلق جراها ويختصم
لكن في ردي على أحد الأعضاء في آخر مشاركة عندما سألني عن كيف شخص عمل 5000 دينار عملهم 300000 دينار ، وأجبته انو عامل الخبرة مهم جدا ، والخبرة لا تدرس في الجامعات ، فهاد الشخص لا يحمل شهادة توجيهي ...تصور
نعود لبافيت ، بافيت انسان يخطئ ويصيب ( اعترف انو أخطأ لما شرا COP عندما كان النفط ب 80$/برميل ) لكن ، معظم منتقديه هم ممن يستغرب كيف بقي هاد الرجل اللي شارف على الثمانين بقي طوال 53 سنة يهزم المؤشرات بفروق كبيرة ويضرب عرض الحائط بما يدرسونا اياه عن ال Efficient Market Theory وعدالة الأسواق ، يضرب عرض الحائط بالاساليب المعقدة اللي تدار بها صناديق التحوط ، والمعادلات الرياضية وبرامج الكمبيوتر والسوفت وير اللي الها أول ما الها آخر فهو يقول :
Beware of Geeks Bearing Formulas
طيب واحد لسة ما شفنا خيرو من شرو بتكلم عن بافيت ، تعال لنشوف مع بعض شوي تاريخ وورين بافيت :
قبل ما يستلم ادارة بيركشير ، كان بافيت يدير محفظة اسمها : Buffett Partnership Ltd. بدأت في سنة ال 1957 وتكيشت في ال 1969 ، خلال ال 13 سنة هاي هزم بافيت ال DJIA ل 13 سنة متتالية ، بل انو في ال 1960 الداو نزل 6.20% ، لكن بافيت عمل 22.80% ، في سنة ال 1966 الداو نزل 15.60% ، بافيت عمل 20.40% ، خلال ال 13 سنة بافيت عمل ربح سنوي مركب ب 29.50% مقابل 7.40% للداو ...يعني بافيت مش هزم الداو بس بل قتل الداو قضى عليه I killed The Dow زي ماحكى
باختصار بافيت مش مستثمر ناجح ، بافيت مستثمر خارق
التعديل الأخير تم بواسطة MCH71311 ; 04-09-2010 الساعة 07:43 PM
CA$H IS KING
يسلمو ع المعلومات
بدي اسأل بافيت بعلن شو اشترى وشو باع ؟؟ كيف بوصل للناس شو عمل ؟؟ + الناس لما يعرفو انو اشترى بشركة بلحقوه ؟؟ ولو انت شفتو اشترى شركة ما بتشتري مثلو !؟!
مَاذَا يَنْتَفِعُ الإِنْسَانُ لَوْ رَبِحَ الْعَالَمَ كُلَّهُ وَخَسِرَ نَفْسَهُ
يوسف
عندما تشاهد المواقع المتخصصة بالسوق الامريكي تستغرب أن لديها معلومات تفصيلية عن الشركات على ما اعتقد موظفي هذه الشركات واصحابها لا يعلموها وعندما تشاهد تحليل عن بافيت مثلاً يكون عندهم معلومات واحصاءات هو لم يلاحظهامثل سوقنا
![]()
واذا السلة طلعت مخزوقة
سهم واحد لا يكفي و لا اثنين أقل شي يجب ان يكونوا 3 و تكون متاب ع جيد لاسهمك
قال النبي (ص)لا يؤمن أحدكم حتى يحب لأخيه ما يحب لنفسه من الخير )
في سنة ال 1975 أقر الكونجرس الأمريكي قانون يخول ال SEC بالزام أي مستثمر تتجاوز قيمة استثماراته عتبة ال 100$ مليون أن يفصح عن حركاته خلال 45 يوم من انتهاء كل كوارتر بحيث يتم ذكر المدير والحركات اللي عملها ( بيع أو شرا ) وقيمتها السوقية خلال الربع وهي وسيلة لزيادة الشفافية في الأسواق
لا يعني قيام بافيت بشراء شي أن نقلده ، فمثلا بافيت ما بشتري أبل لانو لا يستطيع حساب تدفقاتها النقدية بدقة ، لكني أحمل أبل لأني أقبل بهامش خطأ عند احتساب القيمة العادلة لأبل ولا أتشدد متل بافيت ، بافيت يعتبر ملهم لكثير ناس ، انما التقليد ماعمرو بجيب نتيجة
التعديل الأخير تم بواسطة MCH71311 ; 04-09-2010 الساعة 07:35 PM
CA$H IS KING
بارك اللة فيك
الذين يشاهدون الموضوع الآن: 1 (0 من الأعضاء و 1 زائر)
المواضيع و المشاركات الموجودة في موقع خبراء الأسهم لا تعبر بالضرورة عن رأي إدارة الموقع ، و إنما تعبر عن رأي كاتبيها. و ادارة الموقع غير مسؤولة عن صحة أية بيانات أو توصيات مقدمة من خلال الموقع .
مواقع النشر (المفضلة)